വൈറ്റ് റൂം ടോർച്ചർ - വിശകലനം

#𝚁𝙾𝚁𝚂𝙲𝙷𝙰𝙲𝙷 ട്രൈലറിൽ മിന്നിമറയുന്ന മമ്മൂട്ടിയുടെ ഒരൊറ്റ ഫ്രെയിമിൽ നിന്നുമാണ് ഇന്ന് സോഷ്യൽ മീഡിയയിൽ ഈ സംഭവം ചർച്ചയാവുന്നത്.പലർക്കും കേട്ട് പോലും പരിചിതമല്ലാത്ത ഒന്നാണ് WHITE ROOM TORTURE. കേൾക്കുമ്പോൾ വളരെ കൗതുകവും അപരിചിതത്വവും തോന്നുന്ന ഒരു കാര്യം. പക്ഷേ സംഭവം അത്ര കൗതുകമല്ല.!!

WHITE ROOM TORTURE ഒരു തരം മാനസിക പീഡനമാണ്. ഒരു നിറം പീഡനത്തിനുള്ള മാർഗമായി ഉപയോഗിക്കാമെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ..? WHITE ROOM TORTURE മാനസിക പീഡനത്തിന്റെ ഏറ്റവും അപകടകരമായ രൂപമായി കണക്കാക്കപ്പെടുന്നു.ഈ പീഡന രീതി നിരവധി പതിറ്റാണ്ടുകളായി ഉപയോഗിച്ചിരുന്നുവെങ്കിലും, ഇറാനിൽ അടുത്തിടെ ഇത് ഉപയോഗിച്ചതോടെ സംസാരവിഷയമായി.

തടവുകാരുടെ പൂർണ്ണമായ ഒറ്റപ്പെടലിനും ഇന്ദ്രിയ വൈകല്യത്തിനും കാരണമാകുന്ന ഒരു തരം മാനസിക പീഡനമാണ് WHITE ROOM TORTURE .പൂർണ്ണമായ ഇന്ദ്രിയ വൈകല്യവും മാനസിക വൈകല്യവും ഒറ്റപ്പെടലും ലക്ഷ്യമിടുന്ന ശിക്ഷാരീതി.ലോകത്തിലെ ഏറ്റവും മോശമായ ശിക്ഷാ രീതിയെന്ന് വിശേഷിപ്പിക്കാവുന്ന ഒന്നാണ് ഇത്.WHITE പലരുടെയും ഇഷ്ടപ്പെട്ട നിറമാണ്, എന്നാൽ ഈ വെളുപ്പിന് ഭയത്തിന്റെയും ഒറ്റപ്പെടലിന്റെയും അതിഭീകരമായ അവസ്ഥ സൃഷ്ടിക്കാൻ കഴിയുമെന്ന് പറഞ്ഞാൽ പലരും നെറ്റിച്ചുളിക്കും. പക്ഷേ,ആ അവസ്ഥയിലേക്ക് മനുഷ്യനെ കൊണ്ടെത്തിക്കാൻ വെളുപ്പ് നിറത്തിന് കഴിയുമെന്ന് ഈ ശിക്ഷാ രീതിയെ കുറിച്ച് കൂടുതൽ അറിഞ്ഞാൽ നമുക്ക് സമ്മതിക്കേണ്ടി വരും.തടവുകാരെ ശിക്ഷിക്കുന്നതിന് വെള്ള നിറം ഉപയോഗിക്കുന്ന, അപകടകരവും ഭയാനകവുമായ ശിക്ഷാ രീതി.അതാണ്‌ WHITE ROOM TORTURE...

ഒരു വ്യക്തിയെ പൂർണ്ണമായും വെളുത്ത നിറത്തിൽ തളച്ചിടുക.വെളുത്ത ചുമരുകളും വെളുത്ത വാതിലും കുളിമുറിയും അടിസ്ഥാന സൗകര്യങ്ങൾ പോലും പൂർണ്ണമായും വെള്ള നിറമായിരിക്കുന്ന മുറിയിൽ ഒറ്റപ്പെടുത്തുക . ഇങ്ങനെ വെളുത്ത മുറികളിൽ ഒറ്റപ്പെടുത്തുന്നിടത്ത്, വെള്ള വസ്ത്രം ധരിക്കുക, വെള്ള പ്ലേറ്റുകളിൽ നിന്ന് വെളുത്ത ഭക്ഷണം കഴിക്കുക തുടങ്ങി എന്തിനേറെ സ്വന്തം ശബ്ദം മാത്രം കേൾക്കുന്ന സെല്ലിൽ പിൻ-ഡ്രോപ്പ് നിശബ്ദത മാത്രമാണ് ബാക്കി.ഒരു മനുഷ്യൻ ഈ മുറിയിൽ താമസിക്കാൻ തുടങ്ങിയതിന് ശേഷം, അവർ വളരെ പെട്ടെന്ന് കാര്യങ്ങൾ മറക്കുന്നു, ചിലപ്പോൾ അവരുടെ മാതാപിതാക്കളെ കുറിച്ച് പോലും.മറവിയുടെ ഭീകരത വളരെ അപകടകരമായ രീതിയിൽ ഇവരെ കീഴടക്കും, ഒരിക്കലും തിരികെ വരാത്ത രീതിയിൽ പോലുമാകാം ഓർമ്മകൾ പടിയിറങ്ങുന്നത്.

ഇറാൻ രാജ്യത്ത് ഈ ശിക്ഷാ രീതി ഈ അടുത്ത കാലത്ത് വരെ നടപ്പിലാക്കിയിട്ടുണ്ട്.ശാരീരിക വേദനയേക്കാൾ ഫലപ്രദമാണ് മാനസിക വേദന എന്ന ആശയത്തിൽ ചില ഇറാൻ ഉദ്യോഗസ്ഥർ വിശ്വസിച്ചിരുന്നു.,അതിനാൽ അർഹിക്കുന്ന ആളുകൾക്ക് മേൽ ഈ പീഡനം നടപ്പിലാക്കുക എന്ന രീതി അവർ പാലിച്ചു.ഇറാനിയൻ റെവല്യൂഷണറി ഗാർഡ് ഒരു രഹസ്യ തടങ്കൽ കേന്ദ്രത്തിൽ ഇറാനിൽ വൈറ്റ് റൂം പീഡനം ഉപയോഗിച്ചിരുന്നു.ഇറാൻ ഭരണകൂടത്തെ പ്രസംഗങ്ങളിലൂടെയും എഴുത്തുകളിലൂടെയും ചോദ്യം ചെയ്ത മാധ്യമപ്രവർത്തകരായിരുന്നു തടവുകാർ. തടവുകാരിൽ ഒരാളായ അമീർ ഫഖ്‌റവർ 2004-ൽ 8 മാസത്തോളം പീഡിപ്പിക്കപ്പെട്ടു.അയാൾ തന്റെ അനുഭവം പറയുന്നത് ഇങ്ങനെയാണ്..

"എട്ട് മാസത്തോളം ഞാൻ അവിടെ ഉണ്ടായിരുന്നു, ആ മാസങ്ങൾക്ക് ശേഷം എനിക്ക് എന്റെ അച്ഛന്റെയും അമ്മയുടെയും മുഖം ഓർക്കാൻ കഴിഞ്ഞില്ല,..മൂന്ന് ദിവസത്തിന് ശേഷം എനിക്ക് പൂർണ്ണ നിശബ്ദത പാലിക്കാൻ വളരെ ബുദ്ധിമുട്ടായിരുന്നു. അതെന്നെ മാനസികമായി തകർത്തു. ആ മുറിയിലകപ്പെട്ടത് കാരണം ഞാൻ ഏറ്റവും സ്നേഹിച്ച വ്യക്തിയെ പോലും നഷ്ടപ്പെട്ടു, ഗാർഡ് നമ്മളോട് പറയുന്ന ഒരു നുണ പോലും വിശ്വസിക്കേണ്ട അവസ്ഥ വന്നു.അവർ എന്നെ ജയിലിൽ നിന്ന് മോചിപ്പിക്കുമ്പോൾ ഞാൻ ഒരു സാധാരണ വ്യക്തിയായിരുന്നില്ല."

ഈ വാചകങ്ങളിലുണ്ട് WHITE ROOM ToRTURE ന്റെ അതി ഭീകരത..""

പ്രകടമായതുപോലെ, WHITE ROOM TORTURE ങ്ങിന് അടിയുമായോ വേദനയുമായോ യാതൊരു ബന്ധവുമില്ല.പക്ഷേ ഇത് അതിലും ഭീകരമാണ്. നിങ്ങളെ തൊടാതെ പോലും നിങ്ങളുടെ മസ്തിഷ്കം വളരെ മോശമായി മർദ്ദിച്ച് മോശമാക്കാൻ ഈ ശിക്ഷാ രീതിയ്ക്ക് കഴിയുന്നു.അത്തരം ശിക്ഷയുടെ ഉദ്ദേശ്യം സാധാരണയായി തടവുകാരനിൽ ഭയം ജനിപ്പിക്കുക എന്നതാണ്, എന്നിരുന്നാലും ഫലങ്ങൾ 'ഭയപ്പെട്ട തടവുകാരനെ'ക്കാൾ അതിഭീകരമായ രീതിയിൽ അപകടകരമാണ്. ഈ പ്രക്രിയയിൽ തടവുകാരന്റെ ഐഡന്റിറ്റി നഷ്ടപ്പെടുന്നു. അവൻ ആരാണെന്നും അവന്റെ കുടുംബത്തിൽ നിന്നുള്ളവർ ആരാണെന്നും ഓർമ്മയില്ല. മാത്രമല്ല, 'വെളുപ്പ്' നിറത്തോട് ചേർന്ന് ഭയത്തിന്റെ ഒരു കണ്ടീഷനിംഗ് ഉണ്ട്.

ഈ പീഡനത്തിന്റെ ഫലം സ്വത്വ നഷ്‌ടവും ഇന്ദ്രിയങ്ങളുടെ മരവിപ്പുമാണ്. കൂടാതെ, തടവുകാരൻ വെള്ള നിറത്തിൽ നിന്ന് വിട്ടുനിൽക്കുകയും അയാൾക്ക് അറിയപ്പെടുന്ന ആളുകളെ തിരിച്ചറിയാനുള്ള കഴിവ് നഷ്ടപ്പെടുകയും ചെയ്യുന്നു.

ജയിലിൽ നിന്ന് പുറത്തിറങ്ങിയാലും തടവുകാരനെ വെറുതെ വിടാത്ത മാനസിക ദുരിതമാണ് ഇത്. കൂടാതെ, കഷ്ടപ്പാടുകൾ അനന്തമായി തുടരുന്നു, ഒരു വ്യക്തി ഒരിക്കലും സാധാരണ നിലയിലേക്ക് മടങ്ങുന്നില്ല. സൈക്യാട്രിക് സെഷനുകൾ ഒരു പരിധിവരെ സഹായിച്ചേക്കാം, എന്നാൽ പൂർണ്ണമായുള്ള മാനസികനില വീണ്ടെടുക്കൽ അത്തരം തടവുകാർക്ക് വിദൂര സ്വപ്നമാണ്.

ഒരാൾ ഈ പീഡനത്തിന്റെ തടവുകാരനായിക്കഴിഞ്ഞാൽ, അവൻ/അവൾ ഒരിക്കലും സാധാരണ നിലയിലാകില്ല. നിർഭാഗ്യവശാൽ, വിജനത ജീവിതകാലം മുഴുവൻ നീണ്ടുനിൽക്കും...!!

ലൂക്ക് ആന്റണി എന്ന മമ്മൂട്ടി കഥാപാത്രം WHITE ROOOM TORTURE അനുഭവിച്ചയാളാണ് എങ്കിൽ #RORSCHACH പ്രേക്ഷകന് സ്‌ക്രീനിൽ സമ്മാനിക്കാൻ പോകുന്നത് വല്ലാത്തൊരു കാഴ്ച തന്നെയാവും...നിസ്സംശയം.. 💯💯