Thoughts on കൂദാശ

🔹641. "കൂദാശ"

Gnr :- Thriller Drama
Lang :- മലയാളം 2018

അവതരണമികവിന് കൈയ്യടിക്കുമ്പോൾ നിങ്ങളുടെ വിതരണത്തിനും പ്രചരണത്തിനും നൂറിൽ പൂജ്യം മാർക്ക് മാത്രമാകുന്നുണ്ട്.
അതു തന്നെയാണ് തിയേറ്റർ സ്റ്റാറ്റസും ഓൺലൈൻ അഭിപ്രായങ്ങളും ശെരിവക്കുന്നത്.

ഒഴിഞ്ഞ കസേരകൾ ആവശ്യപ്പെടുന്ന കാഴ്ച്ചയല്ല കൂദാശ.

"My Rating :- 3.5/5"

-Yadu EZr

പഴയ ബോംബ് കഥകളെ മാറോട് ചേർത്ത് നിർത്തി ഗപ്പികൾ സൃഷ്ട്ടിക്കുന്ന ഏക ഇൻഡസ്ട്രി മലയാളമായിരിക്കും.
സിനിമാക്കാരല്ല മാറേണ്ടത്, പ്രേക്ഷകനാണ്.
അത് അടിവരയിടുന്ന കാഴ്ച്ചയാണ് കൂദാശ.
ഞാനടക്കം 8 പേർ  മാത്രമാണ് തിയേറ്ററിലുണ്ടായിരുന്നത്.
(നല്ലൊരു പോസ്റ്റർ പോലും ഒട്ടിക്കാതെ നിങ്ങൾക്ക് 8 പേരെ കിട്ടിയത് ഞങ്ങൾക്ക് ഈ മാധ്യമത്തോടുള്ള സ്നേഹം കൊണ്ട് മാത്രമാണ് സാർ.)

മെത്രാൻ ജോയ് എന്ന ഗുണ്ടയുടെ കഥയാണ് ചിത്രം. പ്രായം തളർത്തിയ ഗുണ്ട എന്നതിനേക്കാൾ പ്രായം തിരിച്ചറിവ് നൽകിയ മനുഷ്യൻ എന്നു പറയുന്നതാകും ശരി.
ജോയ് ഇന്ന് ഒരു പെൺക്കുട്ടിയുടെ അച്ഛനാണ്.
തന്റെ മുൻകാല ജീവിതം മറക്കാൻ ശ്രമിക്കുന്ന ജോയ് വീണ്ടും കളത്തിലിറങ്ങേണ്ടി വരുന്നു അതും മകൾക്ക് വേണ്ടി.
എന്നാൽ തന്നിലേക്ക് വന്നു ചേരുന്ന പലതും അയാളിലെ മനുഷ്യനെ കൂടുതൽ സങ്കീർണപ്പെടുത്തുന്നു.
ഇതാണ് നവാഗതനായ ഡിനു തോമസ് ഈലൻ ഒരുക്കിയ കൂദാശ പറയുന്നത്.

മെത്രാൻ ജോയ് എന്ന നായകവേഷം ബാബുരാജ് മികച്ച രീതിയിൽ ചെയ്തു. ക്ലൈമാക്സ് രംഗങ്ങൾ ബാബുരാജിലെ അഭിനേതാവിനെ കാണിച്ചു തരുന്നതായിരുന്നു മാത്രമല്ല ജോയ് മാത്യു, ദേവൻ, സായ്കുമാർ തുടങ്ങി അഭിനേതാക്കളെല്ലാം നന്നായിരുന്നു.

കഥാഗതിയിൽ ത്രില്ലടിപ്പിക്കുകയും കൈയ്യടിപ്പിക്കുകയും ചെയ്യുന്ന ഈ ചിത്രം സ്പാനിഷ് ത്രില്ലറുകളുടെ പാത്തിൽ സഞ്ചരിക്കും വിധം ചായാഗ്രഹണത്തിലും കളറിംഗിലും പുലർത്തിയ മികവ് എടുത്ത് പറയേണ്ട മേന്മതന്നെയാണ്.
ഷോട്ടുകളെല്ലാം ഗംഭീരമായിരുന്നു. അവയെ നശിപ്പിക്കാതെയുള്ള എഡിറ്റിംഗും സൗണ്ട് മിക്സിംഗും നോൺലീനിയർ ആഖ്യാനത്തിന് മികവേകി.

ഒത്തിരി ട്വിസ്റ്റുകൾ ചിത്രത്തിലുണ്ട്. ആദ്യപകുതി  പിടിതരാത്ത സംശയങ്ങളായാണ് കഥപറയുന്നത്. രണ്ടാംപകുതിയും ക്ലൈമാക്സും അവയ്ക്കെല്ലാം മറുപടി നൽകുന്നുമുണ്ട്.
KHOJ ഉം Forgotten ഉം മുതൽ എല്ലാ ജോണർ ചിത്രങ്ങളും ഭാഷ നോക്കാതെ കണ്ടിരുന്ന് വാനോളം പുകഴ്ത്തുന്നവർ എന്തുകൊണ്ട് കൂദാശയെ കൈയ്യൊഴിയുന്നു, അതോ
സബ്ടൈറ്റിൽ വെച്ച് കണ്ടാലെ കിളിപറക്കൂ എന്നുണ്ടോ?
താരമൂല്ല്യം നോക്കിയല്ല രാക്ഷസനു ടിക്കറ്റെടുക്കുന്നത്. ഈ ദയ കൂദാശയോടും കാണിക്കൂ. ഈ ചിത്രം അതർഹിക്കുന്നുണ്ട്.

                  #Last_worD

താരമൂല്യം നോക്കാതെ ടിക്കറ്റ് എടുക്കാൻ ശ്രമിച്ചാൽ, നവാഗതരായ ഒത്തിരി പേരുടെ അധ്വാനമായ ക്വാളിറ്റിയുള്ള ഒരു ത്രില്ലർ ചിത്രം ആസ്വാദിക്കാം. കൂദാശ നിരാശപ്പെടുത്തില്ല.

"My Rating :- 3.5/5"

ഈ അഭിപ്രായം വ്യക്തിപരമായ് മാത്രം കാണുക.
- @YaduEzr

next 》》Drama (Malayalam)